Fréttir allt

Skrifstofa Umhyggju verður lokuð í dag, miðvikudaginn 18. maí, vegna veikinda. Hægt er að senda póst á info@umhyggja.is sem verður svarað við fyrsta tækifæri.

Við erum í skýjunum með samstarf Umhyggju og nýstofnaða flugfélagsins Niceair sem mun frá og með júní veita langveikum börnum sérstök kjör af utanlandsferðum. Flugfélagið flýgur frá Akureyri og verða áfangastaðir í sumar Kaupmannahöfn, London og Tenerife, en í veturinn 2022-2023 verður flogið til Kaupmannahafnar, London og Manchester.

Aðalfundur Umhyggju – félags langveikra barna verður haldinn 02. júní næstkomandi, kl. 17.00, í húsnæði Umhyggju, Háaleitisbraut 13, 4. hæð. Laus sæti til kosningar eru tvö sæti fagmanna.

Í dag, þriðjudaginn 27. apríl, fengum við hjá Umhyggju dásamlega heimsókn frá þeim Ívari, Trausta, Daníel og Leó sem allir eru nemendur í 10. bekk í Vatnsendaskóla. Tilefni heimsóknarinnar var peningagjöf sem þeir færðu félaginu en þeir tóku sig til og héldu ball til styrktar langveikum börnum nú fyrr í apríl. Aðdragandi þess var lokaverkefni sem þeir unnu í skólanum þar sem þeir ákváðu að láta gott af sér leið og gera jafnöldrum sínum kleift að gera sér glaðan dag eftir langt ballhlé sökum Covid19 faraldursins.

Nú um páskana fékk Umhyggja óvæntan og veglegan glaðning þegar 4 milljón króna styrkur barst frá félaginu Kóngsbakka ehf. Styrkir af þessum toga eru ómetanlegir fyrir starf Umhyggju en með þeim getum við haldið úti og aukið við ýmsa þjónustu til fjölskyldna langveikra barna, svo sem sálfræðiþjónustu, námskeið fyrir systkini langveikra barna og margt fleira.

Þann 29. apríl næstkomandi stendur ÖBÍ fyrir hugmyndafundi ungs fólks á aldrinum 13-18 ára er nefnist OKKAR LÍF - OKKAR SÝN en tilgangur fundarins er að gefa ungmennum með fatlanir og raskanir tækifæri til að láta skoðanir sínar í ljós. Þessi vettvangur er kjörið tækifæri fyrir ungmenni með langvinna sjúkdóma, heilkenni eða fatlanir til að láta rödd sína heyrast.

Við hjá Umhyggju - félagi langveikra barna óskum ykkur gleðilegra páska. Skrifstofan opnar aftur þriðjudaginn 19. apríl.

Helgina 30.apríl til 1.maí mun Umhyggja í samstarfi við Systkinasmiðjuna standa fyrir grunnnámskeiði fyrir systkini langveikra barna á aldrinum 8 til 12 ára. Hópurinn hittist laugardaginn 30.apríl og sunnudaginn 1.maí frá kl.10 til 13. Laus pláss á námskeiðinu eru 12.

Nú er úthlutun á 50 MasterClass ársaðgöngum lokið og komust færri að en vildu. Við viljum hvetja alla þá sem sóttu um að kanna póstinn sinn en allir umsækjendur ættu að hafa fengið svar. Athugið að pósturinn gæti ratað í ruslpóst.

Nú getum við hjá Umhyggju í samstarfi við MasterClass (masterclass.com) boðið 50 foreldrum langveikra barna upp á ókeypis ársáskrift að streymisveitunni MasterClass þar sem margir af færustu fyrirlesurum, frumkvöðlum og kennurum heims miðla af kunnáttu sinni og færni. Frábært tækifæri fyrir alla þá sem langar að kynna sér nýja hluti, fræðast og víkka sjóndeildarhringinn.