Fréttir

Að gefnu tilefni vill Umhyggja – félag langveikra barna vekja athygli á því að styrkir til félagsins sem óskað er eftir gegnum síma eru tvenns konar: 1) fólk beðið um að styrka í eitt skipti að upphæð kr.3900 og sendur er greiðsluseðill og 2) mánaðarlegir styrkir með upphæð að eigin vali, hafi fólk gerst Umhyggjusamur einstaklingur, sem dregnir eru af greiðslukorti eða greiddir með beingreiðslu.

Þann 20. júní síðastliðinn var samningi SÍ við Heilsueflingarmiðstöðina um heimahjúkrun barna á höfuðborgarsvæðinu sagt upp frá og með 1.desember. Engin svör bárust um hver tæki við framkvæmd þjónustunnar þar til 23.október síðastliðinn en þá var foreldrum barna sem þiggja heimahjúkrun tjáð að SÍ hefði ákveðið að ganga til samninga við Reykjavíkurborg. Umhyggja lýsir yfir og undirstrikar þungar áhyggjur sínar af málinu þar sem stuttur tími er til stefnu og ítrekar mikilvægi þess að þjónusturof eigi sér ekki stað við þennan viðkvæma hóp. Um er að ræða flókna og gríðarlega sérhæfða þjónustu sem ekki er á færi margra að veita og því brýnt að farsæl lending náist.

Umhyggja býður langveikum börnum í aðildarfélögum Umhyggju upp á KVAN sjálfstyrkingarnámskeið nú í vetur og munum við byrja á námskeiði fyrir 10 - 12 ára (5. - 7. bekkur). Farið verður af stað með fyrsta námskeiðið 16. nóvember, en kennt verður á laugardögum milli 10 og 12 í húsnæði KVAN í Kópavogi. Námskeiðið er 8 skipti og hámarksfjöldi eru 15 börn.

Umhyggja auglýsir eftir sálfræðingi í 50-100% starfshlutfall.

Skrifstofa Umhyggju verður lokuð 7. og 8. október. Hægt er að senda fyrirspurnir á info@umhyggja.is og verður þeim svarað við fyrsta tækifæri.

Við vekjum athygli á því að umsóknarfrestur vegna orlofshúss um jól 2019 rennur út 1. október næstkomandi og eru umsóknir teknar til meðferðar eftir þann tíma. Leiga um jól skiptist í tvö tímabil til að sem flestir fái notið, frá 23.-28.desember annars vegar og 28.desember-2.janúar hins vegar.

Þann 29. apríl sl. sendi Umhyggja – félag langveikra barna frá sér opinbera áskorun til heilbrigðisráðherra, félags- og barnamálaráðherra, Sjúkratrygginga Íslands, þingmanna og velferðarnefndar, þar sem skorað var á hlutaðeigandi að tryggja öllum börnum sem fæðast með skarð í gómi lögbundna heilbrigðisþjónustu vegna nauðsynlegrar tannréttingameðferðar.

Laugardaginn 21. september verður haldin ráðstefna um flutning langveikra og fatlaðra barna af barnasviði yfir á fullorðinssvið. Ráðstefnan fer fram í Hringssal Barnaspítalans og hefst klukkan 10:00.

Dagana 3. og 4. október munu AHC samtökin standa fyrir vísindamálþingi á Grand Hótel Reykjavík þar sem fjallað verður um genið ATP1A3. Ber þingið heitið ATP1A3 symposium in disease, og er þetta í 8. skiptið sem þingið er haldið.

Skrifstofa Umhyggju verður lokuð mánudaginn 2. september.