Fréttir

Í dag, 23. ágúst, tókum við hjá Umhyggju á móti góðum og rausnarlegum gestum, en hingað komu þeir Pétur Pétursson ofurþríþrautarkappi hjá Simba sleep og Egill Fannar Reynisson hjá Dorma. Færðu þeir Umhyggju veglega peningjagjöf að upphæð 1.531.918 krónur sem er afrakstur áheitasöfnunar í tengslum við þátttöku Péturs í Extreme Iceland ofurþríþraut.

Umhyggja býður nú í fyrsta skipti upp á listmeðferðarhóp fyrir systkini langveikra barna á aldrinum 5 til 7 ára undir stjórn listmeðferðarfræðingsins Hörpu Halldórsdóttur sem starfar hjá SKB.

Í júlímánuði munu 5000 krónur af hverri seldri Simba dýnu hjá Dorma renna beint til Umhyggju. Auk þess styrkir fyrirtækið Umhyggju um 500.000 og Pétur Pétursson hjá Simba hyggst taka þátt í þrekrauninni Iceland Extreme Triathlon þann 27. júlí og munu öll áheit renna til Umhyggju.

Skrifstofa Umhyggju verður lokuð vegna sumarleyfa frá og með mánudeginum 8. júlí, til og með miðvikudagsins 7. ágúst. Ef um brýn erindi er að ræða má senda tölvupóst á netfangið umhyggja@umhyggja.is.

Skrifstofa Umhyggju verður lokuð vegna sumarleyfa frá og með mánudeginum 8. júlí, til og með miðvikudagsins 7. ágúst. Ef um brýn erindi er að ræða má senda tölvupóst á netfangið umhyggja@umhyggja.is.

Nú í júní tók Umhyggja við 100.000 króna styrk frá leiklistarhópi Vogaskóla en um er að ræða ágóða miðasölu á söngleikinn Mamma mia sem settur var upp í skólanum í vetur.

Nú í júní barst Umhyggju gjöf frá 4. bekkingum í Álftanesskóla, en um er að ræða ágóða af góðgerðardegi sem haldinn var fyrir jólin.

Nú er sumarið komið og margir farnir að hita upp fyrir Reykjavíkurmaraþon Íslandsbanka. Ætlar þú að hlaupa til góðs eða heita á hlaupara? Ef svo er bendum við hjá Umhyggju á aðildarfélögin okkar sem eru 18 talsins, en þeirra góða starf er að stórum hluta fjármagnað með því fé sem safnast í tengslum við hlaupið.

Aðalfundur Umhyggju verður haldinn 4. apríl næstkomandi, kl.17.00, í húsnæði félagsins að Háaleitisbraut 13, 4. hæð. Tillögur að framboðum í stjórn Umhyggju skulu berast eigi síðar en 7 dögum fyrir aðalfund, (28. mars í síðasta lagi) á skrifstofu Umhyggju, umhyggja@umhyggja.is og til formanns stjórnar Regina.Lilja.Magnusdottir@reykjavik.is

Miðvikudaginn 13. mars verður afhending á svokölluðum Hetjuteppum, en Íslenska bútasaumsfélagið hefur gefið langveikum börnum teppi í mörg ár. Börnum í aðildarfélögum Umhyggju, sem ekki hafa fengið teppi, er boðið að koma og velja sér teppi miðvikudaginn 13. mars, á milli kl.16.30 og 17.30 í húsnæði Umhyggju, Háaleitisbraut 13, 4. hæð.