Fréttir allt

Þann 29. apríl næstkomandi stendur ÖBÍ fyrir hugmyndafundi ungs fólks á aldrinum 13-18 ára er nefnist OKKAR LÍF - OKKAR SÝN en tilgangur fundarins er að gefa ungmennum með fatlanir og raskanir tækifæri til að láta skoðanir sínar í ljós. Þessi vettvangur er kjörið tækifæri fyrir ungmenni með langvinna sjúkdóma, heilkenni eða fatlanir til að láta rödd sína heyrast.

Við hjá Umhyggju - félagi langveikra barna óskum ykkur gleðilegra páska. Skrifstofan opnar aftur þriðjudaginn 19. apríl.

Helgina 30.apríl til 1.maí mun Umhyggja í samstarfi við Systkinasmiðjuna standa fyrir grunnnámskeiði fyrir systkini langveikra barna á aldrinum 8 til 12 ára. Hópurinn hittist laugardaginn 30.apríl og sunnudaginn 1.maí frá kl.10 til 13. Laus pláss á námskeiðinu eru 12.

Nú er úthlutun á 50 MasterClass ársaðgöngum lokið og komust færri að en vildu. Við viljum hvetja alla þá sem sóttu um að kanna póstinn sinn en allir umsækjendur ættu að hafa fengið svar. Athugið að pósturinn gæti ratað í ruslpóst.

Nú getum við hjá Umhyggju í samstarfi við MasterClass (masterclass.com) boðið 50 foreldrum langveikra barna upp á ókeypis ársáskrift að streymisveitunni MasterClass þar sem margir af færustu fyrirlesurum, frumkvöðlum og kennurum heims miðla af kunnáttu sinni og færni. Frábært tækifæri fyrir alla þá sem langar að kynna sér nýja hluti, fræðast og víkka sjóndeildarhringinn.

Nú geta félagsmenn Umhyggju og aðildarfélaga Umhyggju sem búa utan höfuðborgarsvæðisins sótt um sumarúthlutun í nýrri íbúð Umhyggju í Kuggavogi 15, 104 Reykjavík, á tímabilinu 17. júní til 5. ágúst. Íbúðin er leigð í viku í senn frá föstudegi til föstudags og kostar vikuleiga kr. 25.000.

Nú fer að líða að páskum og margir farnir að huga að páskaeggjakaupum. Allur ágóði páskaeggjasölu Team Rynkeby rennur til Umhyggju og er tilvalin gjöf eða bara til að njóta sjálf/ur og styrkja gott málefni í leiðinni.

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum í sumar. Um er að ræða tímabilið 27.maí til 2.september og eru húsin leigð út í viku í senn, frá föstudegi til föstudags. Umsóknarfrestur er til 15. mars og verða umsóknirnar teknar fyrir að þeim tíma loknum.

Barnaspítali Hringsins uppfærði nýlega leiðbeiningar vegna langveikra barna sem tilheyra viðkvæmum hópum, tengt afléttingum sóttvarnaraðgerða.

Vegna samkomutakmarkana tengt Covid-19 verður skrifstofa Umhyggju lokuð fyrir almennar heimsóknir til 2. febrúar. Berglind sálfræðingur Umhyggju mun þó veita viðtöl á skrifstofu félagsins og öll önnur þjónusta mun fara óskert fram í gegnum síma og tölvupóst. Við hvetjum ykkur því til að hafa samband ef eitthvað er.