Te og kaffi selja verðmætasta kaffi í heimi til styrktar langveikum börnum

Þetta eftirsótta kaffið kemur frá Indónesíu og á þefkattartegundin Luwak stærstan þátt í sérstöðu þess. Fyrsta vinnslustigið felst nefnilega í því að Luwak kettirnir tína kaffiber af trjánum og borða með bestu lyst. Kaffibaunirnar sjálfar, sem eru innan í berjunum, skila sér gegnum meltingarveg Luwak kattarins í heilu lagi og er safnað saman af indónesísku búaliði. Baunirnar fara því næst gegnum öflugt hreinsikerfi undir ströngu eftirliti og eru að lokum ristaðar við háan hita svo mælingar sýna að Luwak kaffi er hreinna og ómengaðra en sú vara sem fæst með ‘hefðbundnari’ framleiðsluaðferðum.

Við meltingu dýrsins komast baunirnar í snertingu við margs konar ensím sem brjóta niður þau prótín sem valda beiskjunni sem menn þekkja í hefðbundnari kaffitegundum. Einnig skiptir máli að Luwak kötturinn velur sér eingöngu girnilegustu ber kaffirunnans en þau eru á hárréttu þroskastigi. Kötturinn er því mun nákvæmari í tínslunni en venjulegur kaffibóndi með þeim afleiðingum að ársuppskeran af Luwak kattakaffi aðeins um 200 kg samkvæmt nýjustu heimsmetabók Guinness.

Bragðgæði Luwak kaffis eru engu lík, þétt og góð fylling, vottur af karamellu og súkkulaði eftirbragð. Miðað við vinnsluaðferð, lítið framboð og gæði kemur ekki á óvart að hér sé á ferðinni dýrasta kaffitegund heims og kostar kílóið allt að 1.200 dollurum, eða um 80 þúsund krónur.