Nýtt og glæislegt vefsvæði Umhyggju hefur nú verið opnað

Vefurinn er hannaður og vefforritaður af Íslensku vefstofunni/Origo en keyrir í Eplica vefumsjónarkerfinu frá Hugsmiðjunni.

Verkefnið var afrakstur af samstarfi ofangreindra fyrirtækja sem gáfu alla vinnu sína við smíði vefjarins og vill Umhyggja koma á framfæri kæru þakklæti fyrir óeigingjarnt starf fyrirtækjanna.

Um Umhyggju

Umhyggja er félag sem vinnur að bættum hag sjúkra barna og fjölskyldna þeirra. Í félaginu starfa foreldrar langveikra barna og fagfólk innan heilbrigðiskerfisins. Einnig eru félög og hópar foreldra langveikra barna í félaginu.
UMHYGGJA er fulltrúi Íslands í norrænu samtökunum NOBAB (nordisk organisation för sjuka barns behov) og evrópsku samtökunum EACH (The European Association for Children in Hospital), en þau vinna bæði að bættum hag sjúkra barna og foreldra þeirra.
Helstu stefnumál Umhyggju eru m.a.:

• Að veita upplýsingar um þarfir langveikra barna
• Að benda stjórnvöldum á þessar þarfir
• Að hvetja þau til úrbóta á aðbúnaði veikra barna
• Að efla samvinnu innlendra og erlendra félaga sem hafa sambærilega stefnu

Um Origo

Origo ehf. og Íslenska vefstofan hf. hafa verið sameinuð undir nafni Origo ehf. Með sameiningunni verður til eitt öflugasta fyrirtæki landsins á sviði sérsmíði og samþættingar tölvukerfa og hugbúnaðargerðar fyrir Internetið.
Hjá Origo starfar nú 20 manna hópur sérfræðinga með mikla reynslu á sviði viðskipta, markaðsmála og hugbúnaðarþróunar.

Um Hugsmiðjuna

Hugsmiðjan ehf. er fyrirtækið á bak við Eplica vörulínuna. Það sérhæfir sig í hverskonar hugbúnaðargerð og hefur síðan í janúar 2001 smíðað hugbúnaðarkerfi sem nú eru markaðssett undir Eplica nafninu. Markmið fyrirtækisins er að veita viðskiptavinum sínum bestu fáanlegu lausnir, aðstoða þau við hagræða í rekstri, bæta upplýsingaflæði til viðskiptavina og starfsmanna og hækka þjónustustig án aukins tilkostnaðar.

Vefumsjónarkerfið Eplica er fyrst og fremst efnismiðlunarkerfi sem getur birt gögn frá ýmsum upplýsingaveitum og miðlað þeim áfram til notenda með mismunandi tæknilegar þarfi.

Auk vefumsjónarkerfis hefur fyrirtækið nú hafið sölu á Eplica Application Builder sem sem nýtist við gerð á veflægum hugbúnaði og getur stytt þróunartíma verulega og aukið gæði hans til muna.

Nánari upplýsingar um fyrirtækið eru veittar í síma 5500900 eða um netfangið info@eplica.is. Einnig er hægt að panta kynningu á vörum fyrirtækisins hér á vefnum.

Að öðrum kosti er hægt að kíkja við:

Hugsmiðjan ehf. / Eplica ehf.
Skúlagötu 32-34
101 Reykjavík