Jarðböðin við Mývatn færðu Umhyggju hálfa milljón í dag
11.01.2016
Gunnar Atli Fríðuson framkvæmdastjóri Jarðbaðanna við Mývatn afhenti í dag Rögnu K. Marinósdóttur framkvæmdastjóra Umhyggju – félagi langveikra barna 500.000 króna styrk.
Við afhendinguna sagði Gunnar Atli að fyrirtækið styrkti reglulega góð málefni og það væri þeim mikil ánægja að geta styrkt langveik börn á Íslandi og því hefði Umhyggja orðið fyrir valinu.
Jarðböðin við Mývatn eru opin daglega, allt árið og þangað komu á síðast ári um 150.000 gestir til að njóta þess sem jarðböðin hafa á upp að bjóða. Nánari upplýsingar um jarðböðin við Mývatn má finna hér á www.jardbodin.is
Umhyggja færir Gunnari Atla og Jarðböðunum við Mývatn sínar bestu þakkir.
