Hestamenn safna fyrir Umhyggju

 Laugardaginn 8.apríl síðastliðinn stóð Hrossarækt fyrir Stóðhestaveislu. Hefð er fyrir þvi að eitthvert málefni sé styrkt og í ár varð Umhyggja fyrir valinu. Söfnunin hófst formlega á laugardaginn en hægt er að leggja málefninu lið fram til 1.maí með því að hringja í eftirfarandi styrktarnúmer:

9037111 – 1.000 krónur

9037112 – 3.000 krónur

9037113 – 5.000 krónur 

Alir sem hringja inn fara sjálfkrafa í pott og í lok söfnunarinnar verður dregið úr öllum símanúmerum sem hringdu inn. Vinningarnir eru fimm talsins; folatollar undan þeim Arði frá Brautarholti, Spuna frá Vesturkoti, Ölni frá Akranesi, Organista frá Horni og Sirkus frá Garðshorni á Þelamörk.

Við hjá Umhyggju þökkum þetta frábæra framtak!